Foto: FVV axborot xizmati
Qamchiq dovonida 60 metr chuqurlikka tushib ketgan fuqaro qutqarib olindi. Bu haqda FVV axborot xizmati xabar berdi.
Aniqlanishicha, “Toshkent-Vodiy” yo‘nalishida to‘xtab turgan Neksiya rusumli avtomashina yo‘lovchisi yo‘lning chekka qismida ehtiyotsizligi sababli taxminan 50-60 metr pastlikka tushib ketib, turli darajada tan jarohatlari olgan.
Voqea joyiga zudlik bilan qutqaruvchilar yetib borib, maxsus texnikalar yordamida jabrlangan fuqaroni pastlikdan olib chiqishgan va tez tibbiy yordam xizmati xodimlariga topshirishgan.
Ayni vaqtda jabrlanuvchiga Namangan viloyati Pop tumani markaziy shifoxonasi xodimlari tomonidan malakali tibbiy yordam ko‘rsatilmoqda. Hozirda uning ahvoli o‘rta darajada deb baholangan.
