O‘zLiDep partiyasi tomonidan prezidentlikka nomzod sifatida ilgari surilayotgan Shavkat Mirziyoyev kelajak uchun mas'uliyat barchaning zimmasida ekanligini aytdi.
“Vatanimizning bugungi va ertangi taqdiri, farzandlarimizning kelajagi Sizlarning ushbu saylovdagi ongli ishtirokingizga, fuqarolik pozitsiyangizga bog‘liq.
Ishonaman, bu saylov, Sizlarning faol ishtirokingiz bilan, bugun biz intilayotgan Yangi O‘zbekiston, Uchinchi Renessans sari tashlangan, yana bir ulkan amaliy qadam bo‘ladi.
Hech qachon unutmang, saylash va tanlash huquqi – Sizning qo‘lingizda. Kelajak uchun mas'uliyat esa – barchamizning zimmamizda.
Ana shunday buyuk hissiyot, ishonch-e'tiqod bilan harakat qilsak, bizdan xalqimiz ham, kelajak avlodlar ham, albatta rozi bo‘ladi.
Yangi O‘zbekistonimiz har tomonlama taraqqiy topgan, gullab-yashnagan go‘zal mamlakatga aylanadi”, – dedi davlat rahbari.
