Bir necha kundan buyon davom etayotgan yog‘ingarchilik tufayli Andijon shahrining ayrim ko‘chalari suvga to‘lgan. Buning oqibatida mashinalar harakati cheklangan.
Jumladan, Pushkin bolalar bog‘i qarshisidagi ko‘cha suv toshqini tufayli yopilgan.
Andijon davlat universitetiga olib boruvchi yo‘l ham yog‘ingarchilik oqibatida suvga to‘lgan.
Mazkur ko‘chalarda suv toshishini bartaraf etish ishlari olib borilmoqda.
Avvalroq, kuchli yomg‘ir tufayli Namangan ko‘chalari suvga to‘lganligi xabar qilingan edi.