Qoraqalpog‘istonda bir kunda ikkita vazirga o‘rinbosar tayinlandi. Ularning biri sobiq hokim
Yerpolat Yedenbayev / Foto: Kun.uz
Yerpolat Yedenbayev Qoraqalpog‘iston Respublikasi qishloq xo‘jaligi vazirining iqtisodiy masalalari bo‘yicha o‘rinbosari lavozimiga tayinlandi. Bu haqda vazirlik matbuot xizmati xabar berdi.
Tayinlovga qadar Yerpolat Yedenbayev Mo‘ynoq tumani hokimi lavozimida ishlagan. Hozirda esa tumanda Baxtiyar Menglibekov hokim sifatida faoliyat olib bormoqda. Shuningdek, Adilbek Allanazarov Qoraqalpog‘iston Respublikasi Sportni rivojlantirish vaziri o‘rinbosari lavozimiga tayinlandi.
Eslatib o‘tamiz, bundan oldin Bo‘zatov tumanining sobiq hokimi Mahmud Qaypanov Qoraqalpog‘iston Respublikasi veterinariya va chorvachilikni rivojlantirish qo‘mitasiga rahbar etib tayinlangandi.