Shahboz Sharif nomzodi yakshanba kuni muxolif partiyalar vakillari tomonidan bosh vazirlikka ilgari surilgandi.
Foto: Aaj Tak
"Pokiston musulmonlari ligasi" partiyasi yetakchisi Shahboz Sharif Pokistonning 23-bosh vaziri etib saylandi.
Parlament quyi palatasida o‘tkazilgan ovoz berish jarayonida Sharif 174ta ovoz oldi.
Uch marta Pokiston bosh vaziri etib saylangan Navoz Sharifning 70 yoshli ukasi Shahboz Sharif nomzodi yakshanba kuni muxolif partiyalar vakillari tomonidan bosh vazirlikka ilgari surilgandi.
Yakshanba kuni Pokiston parlamenti bosh vazir Imron Xonga ishonchsizlik votumi e’lon qilgan va uni lavozimidan chetlatgandi.
