Vladimir Putinning so‘zlariga ko‘ra, Rossiyaga qarshi sanksiyalar mamlakat biznesi imkoniyatlariga ta’sir ko‘rsatdi, eksport va import logistikasini qiyinlashtirdi, hisob-kitoblarda to‘siqlar paydo qildi.
Rossiya tashqi savdodagi hisob-kitoblarda rubl va ishonchli hamkor mamlakatlar milliy valutalariga o‘tishni tezlashtirishi lozim, dedi Rossiya prezidenti Vladimir Putin.
Putinning so‘zlariga ko‘ra, Rossiyaga qarshi sanksiyalar mamlakat biznesi imkoniyatlariga ta’sir ko‘rsatdi, eksport va import logistikasini qiyinlashtirdi, hisob-kitoblarda to‘siqlar paydo qildi.
«Tadbirkorlarga bu muammolarni hal qilishda maksimal darajada yordam ko‘rsatish, jumladan, tashqi savdodagi hisob-kitoblarda rubl va ishonchli hamkor mamlakatlarning milliy valutalariga o‘tishni tezlashtirish kerak», — dedi u.
Putinning qo‘shimcha qilishicha, hozirgi o‘zgargan sharoitda mamlakat «ancha yuqori sur’atlarda harakat qilishi darkor».
«Kommersant’»ning yozishicha, ushbu haftada «Gazprom»dan gaz sotib olayotgan energetika kompaniyalariga gaz yetkazib berish to‘xtatilishi mumkin. Nashr ma’lumotiga ko‘ra, 15 aprel kuni aprel oyi uchun avans to‘lash muddati yetib keldi, kompaniyalar to‘lovni rublda amalga oshirishi lozim.
Putin 31 mart kuni «nodo‘st mamlakatlar» Rossiya gazi uchun rublda pul to‘lashi ko‘zda tutilgan farmonni imzolagandi. Farmon 1 apreldan kuchga kirgan.
