Polshadan Ukrainaga qurollar asosan avtomobillarda yetkazilmoqda.
Foto: Reuters
Polsha bosh vaziri Mateush Moravetskiy Ukrainaga 1,6 mlrd dollarlik harbiy yordam berilganini ma’lum qildi.
«Bu Ukraina, Polsha va Yevropa suverenitetini saqlaydi»,— deyiladi Polsha hukumati matbuot kotibi Petr Myullerning xabarida.
Polsha Ukrainaga qurol yetkazib berishni fevral oxirlarida boshlagandi.
Polityka jurnalining yozishicha, Polshadan Ukrainaga qurollar asosan avtomobillarda yetkazilmoqda.
Mamlakat Ukrainaga o‘qotar qurollar, raketaga qarshi majmualar, Javelin va Stinger zenit-raketa majmualari, zirhli nimchalar va tibbiy jihozlar yetkazib bermoqda.
