Xitoy – Qirg‘iziston – O‘zbekiston temiryo‘li qurilishi Torugart – Makmal – Jalolobod yo‘nalishi bo‘ylab o‘tishi mumkin.
Bunday dastlabki yo‘nalishni 28 iyun kuni Qirg‘iziston Vazirlar Mahkamasi yig‘ilishida transport va kommunikatsiyalar vaziri Erkinbek Osoyev taqdim etdi.
Loyihaning tegishli texnik-iqtisodiy asoslarini ishlab chiqish joriy yilning dekabr oyida yakunlanadi.
«Xitoy - Qirg‘iziston - O‘zbekiston temiryo‘li qurilishi loyihasi noyob loyiha bo‘lib, biz uni amalga oshirishga alohida e’tibor qaratamiz. Tegishli davlat organlari o‘z vaqtida zarur tayyorgarlik ishlarini olib borishi zarur», — dedi bosh vazir Oqilbek Japarov.
Uchrashuvda boshqa infratuzilma loyihalarini qurish masalalari ham muhokama qilindi.
Xitoy – Qirg‘iziston O‘zbekiston temiryo‘l liniyasi uch mamlakat temiryo‘llarini va undan keyin Fors ko‘rfazi mamlakatlari, Turkiya Respublikasini Yevropa temiryo‘l tarmog‘i bilan bog‘lash uchun mo‘ljallangan loyihadir.