Toshkent – Tokio – Toshkent yo‘nalishi bo‘yicha aviaqatnovlar tiklanmoqda. Bu haqda Uzbekistan Airways xabar berdi.
Foto: Kun.uz
Aviakompaniya xabariga ko‘ra, ikki yildan so‘ng Uzbekistan Airways Toshkent – Tokio – Toshkent xalqaro yo‘nalishidagi muntazam aviaqatnovlarni tiklamoqda.
Qayd etilishicha, 2022 yil 4 avgustdan boshlab parvozlar payshanba kunlari amalga oshiriladi.
Bunda:
- Toshkentdan uchish: soat 22:05 da(Toshkent vaqti bilan);
- Tokioga yetib borish: Tokio vaqti bilan juma kuni soat 09:40 da;
- Tokiodan uchish: soat 11:00 da (Tokio vaqti bilan);
- Toshkentga yetib kelish: soat 16:10 da (Toshkent vaqti bilan) amalga oshiriladi.
Uzbekistan Airways 2020 yilning 1 martidan boshlab dunyoda koronavirus tarqalishi sababli Tokioga muntazam qatnovlarni to‘xtatgan edi.
