19:13 / 03.08.2022
10228

Kreml Shryoderning Rossiya Ukraina bilan muzokaralarga tayyorligi to‘g‘risidagi gapiga izoh berdi

Gerhard Shryoder Stern va n-tv telekanallariga bergan intervyusida Rossiya Ukraina bilan nizoni diplomatik yo‘l bilan hal etishga tayyorligini aytgandi. 

Foto: DPA

Kreml rasmiy vakili Dmitriy Peskov Rossiya Ukraina bilan tinchlik muzokaralariga «o‘z shartlari asosida» tayyorligini aytdi.

«Ha, Rossiya darhaqiqat Ukraina muammosi diplomatik yo‘l bilan hal etilishiga tayyor – o‘z shartlari asosida», — dedi Peskov.

Uning qo‘shimcha qilishicha, «bu shartlar bo‘yicha Istanbulda kelishilgan» va muzokara jarayonining har ikkala ishtirokchisi bunga rozi bo‘lgan. Shundan so‘ng Ukraina «muzokara yo‘lidan» chiqib ketdi, dedi Peskov.

Avvalroq Peskov Kremlda Germaniya sobiq kansleri Gerhard Shryoder va Rossiya prezidenti Vladimir Putin uchrashuvi o‘tkazilganini tasdiqlagandi.  

Shryoder uchrashuvdan so‘ng Stern va n-tv telekanallariga bergan intervyusida Rossiya Ukraina bilan nizoni diplomatik yo‘l bilan hal etishga tayyorligini aytdi.  

Top