09:38 / 20.05.2019
9412

Sodiq Safoyev Ilyos Umaxonov bilan uchrashdi

Foto: senat.uz

Senatda O‘zbekiston Respublikasi Oliy Majlisi Senati raisining birinchi o‘rinbosari Sodiq Safoyevning Rossiya Federatsiyasi Federal Majlisi Federatsiya Kengashi raisi o‘rinbosari Ilyos Umaxonov rahbarligidagi delegatsiya bilan uchrashuvi bo‘lib o‘tdi.

O‘zbekiston Respublikasi Oliy Majlisi Senatining axborot xizmati xabariga ko‘ra, uchrashuvda parlamentlararo hamkorlikni yanada mustahkamlash, shu jumladan xalqaro parlament tuzilmalari doirasida mustahkamlash masalalari muhokama etilgan.

Tomonlar ikki mamlakat parlamentlari o‘rtasidagi munosabatlar yangi foydaliroq darajaga ko‘tarilganini ta'kidladilar. Demokratik jamiyatni rivojlantirishda, ikki mamlakatning ham siyosiy, ham ijtimoiy-iqtisodiy hayotidagi islohotlarni amalga oshirishda parlamentning roli va ahamiyati ham oshib bormoqda.

Rossiya parlamenti a'zolari xalqaro siyosiy maydonda O‘zbekistonning faolligini qayd etdilar, Rossiya va O‘zbekiston o‘rtasidagi parlament va ikki tomonlama munosabatlarni rivojlantirishga O‘zbekiston prezidentining qo‘shayotgan hissasi uchun minnatdorlik bildirib, buni yuksak baholadilar.

Top