Shu yil 21 yanvar kuni noma'lum shaxs Toshkent viloyatining Bo‘stonliq tumanida yashovchi 59 yoshli M.E. ismli ayolning uyiga deraza orqali kirgan.
O‘zbekiston Respublikasi IIV Jamoatchilik va OAV bilan aloqalar boshqarmasi xabariga ko‘ra, u xonadan 1 450 000 so‘m puli, 500 AQSh dollari va 2 turdagi zargarlik buyumlarini o‘g‘irlab ketgan holati yuzasidan jinoyat ishi qo‘zg‘atilgan.
Ko‘rilgan choralar natijasida ushbu jinoyatni Qibray tumani Qipchoq mahallasida yashovchi 35 yoshli Sh.T. sodir etganligi aniqlanib, ushlangan.
Tergov harakatlari davom etmoqda.
