10:41 / 12.08.2019
4143

Koreyaga viza olib berishini aytib, 1500 dollarni o‘zlashtirgan shaxs ushlandi

Illyustrativ foto

2017 yil sentabr oyida noma'lum shaxs Toshkent shahrining Chilonzor tumanida yashovchi 41 yoshli A.T.ga Koreya davlatiga ishlash uchun viza olib berishni va'da qilgan.

O‘zbekiston Respublikasi IIV Jamoatchilik va OAV bilan aloqalar boshqarmasi xabariga ko‘ra, u fuqaroning ishonchiga kirgan, so‘ngra undan 1 500 AQSh dollarini uyida olib, shu kunga qadar bergan va'dasini bajarmay voqea joyidan yashiringanligi ko‘rsatilgan. Holat yuzasidan jinoyat ishi qo‘zg‘atilgan.

Ko‘rilgan choralar natijasida ushbu jinoyatni Yunusobod tumani 12-dahada yashovchi 42 yoshli M.A. sodir etganligi aniqlanib, ushlangan. 

Tergov harakatlari davom etmoqda.

Top