Koronavirus infeksiyasi profilaktikasi bo‘yicha 7 qadam
1
Jamoat joylariga bormang: savdo markazlari, sport va tomoshalar, jamoat transportlarida ehtiyot bo‘ling.
2
Notoza qo‘llar bilan ko‘z, yuz va og‘izga qo‘l tekkizmang.
3
O‘RVI belgilari (yo‘tal, aksirish, harorat ko‘tarilishiG‘ belgilar bor odamlarga yaqinlashmang.
4
Har safar ko‘chaga chiqqanda qo‘llarni sovunlab yaxshilab yuving, kompyuter, telefon va boshqa qurilmalarni tozalab turing.
5
Gajetlar, pultlar, idora texnikalarini dezinfeksiyalang.
6
Yaqindan va qo‘l berib ko‘rishishdan saqlaning.
7
Shaxsiy gigiyena vositalaridan (sochiq, tish cho‘tkasi) foydalanishga jiddiy eʼtibor bering.
Covid-19 koronovirusi bo‘yicha ko‘p beriladigan savollar
Koronavirus qanday kasallik?

Koronavirus bu – respirator virus, u Covid-19 kasalligini keltirib chiqaradi.

Koronavirus qanday yuqadi?

Viruslar aksirish yoki yo‘talish paytida havoga chiqariladigan juda mayda tupuk tomchilari orqali yuqadi. Bundan tashqari, koronavirusni qattiq yuza – masalan eshik tutqichi yuqtirishdan mumkin.

Kasallikning belgilari qanday?

Isitma, lanjlik va quruq yo‘tal. Yana ba’zan burun bitishi, tumov, mushak og‘riqlari, tomoq og‘rig‘i va ich surishi.

O‘zida kasallik alomatini sezgan fuqarolar qayerga borishlari kerak?

Koronavirus alomatlarini sezgan fuqaro xonadonidan chiqmasdan tez tibbiy yordam yoki poliklinika shifokoriga murojaat qiladi. Bundan tashqari, Sog‘liqni saqlash vazirligining 1003 qisqa raqamiga qo‘ng‘iroq qilib, xabar berish kerak.

Koronavirus keksalar uchun xavflimi?

Yosh — koronavirus kasalligi keltirib chiqaradigan o‘limga ta’sir ko‘rsatuvchi asosiy omillardan biri. Bu virus ilk bora aniqlangan Xitoyda o‘tkazilgan tadqiqotlar shuni ko‘rsatadiki odam qanchalik keksa yoshda bo‘lsa, uning uchun koronavirus shunchalik xavfli bo‘ladi.

Kasalligini yashirib, boshqalarga yuqtirganlar javobgarlikka tortiladimi?

O‘zbekistonda karantin bo‘yicha amaldagi qonunchilik talablarini buzgan, o‘zida karantin alomatlarini sezsa-da, buni yashirgan, aksincha, ko‘cha-ko‘yda yurib, koronavirusni boshqalarga ham qasddan yuqtirgan shaxslar jinoiy javobgarlikka tortiladi.

Koronavirusning homilador ayollarga ta’siri qanday?

Homilador ayollarning koronavirusga chalinish ehtimoli ko‘proq ekani yoki infektsiya asoratlariga ko‘proq moyil ekani haqida aniq tasdiqlangan ilmiy-tadqiqotlar xulosasi yo‘q.

Ishlatilgan niqoblarni qayta ishlatish yoki dezinfektsiyalash vositasi bilan dezinfektsiya qilish mumkinmi?

Yo‘q, ishlatilgan niqoblarni qayta ishlatish yoki ishlatilgandan keyin dezinfektsiyalab, yana ishlatish mumkin emas.

Barchasi
Top