AQSh harbiy-havo kuchlari o‘z sun'iy yo‘ldoshlari tizimini himoya qilish maqsadida hujumkor va mudofaa maqsadlarida foydalaniladigan kosmik qurollarni ishlab chiqish va joriy etish uchun o‘z byudjyetidan 5 milliard dollar ajratdi.
AQSh tomonining bu qadar jiddiy xavotirlari va tezkor choralar ko‘rishiga fazoviy kengliklarda yuz bergan birdaniga ikki muhim voqea sabab bo‘ldi. Ulardan biri – Rossiya yaqinda uchta telekommunikatsion sun'iy yo‘ldosh va nisbatan past orbitadan yuqori orbitaga ko‘tarila oladigan, shuningdek, boshqa obektlarga yaqinlasha oladigan kosmik qurilmani fazoga olib chiqdi.
«Ushbu yo‘ldosh boshqa bir orbital qurilmaning muhim tizimlarini ishdan chiqarishi va unga portlovchi uskunani o‘rnatishi va hatto kamikadze uslubida hujumga o‘tishi ham mumkin», – deb ma'lum qildi AQSh harbiy-havo kuchlari vaziri Debora Li Jyeyms.
Ikkinchidan esa, Xitoy sun'iy yo‘ldoshga qarshi o‘z raketalarini izchillik bilan tekshirishga kirishdi. Shunday raketalardan biri orqali 2007 yilda Xitoyning ishdan chiqqan sun'iy yo‘ldoshlaridan biri urib tushirilgan edi.
Li Jyeymsning aytishicha, Rossiya va Xitoynnig so‘nggi sinov va tajribalari Vashingtonda katta xavotir bilan kuzatib borilmoqda va nizolar qachondir Yerdan fazoga ko‘chadigan bo‘lsa, bunga tayyor turish zarur hisoblanadi.