Hindiston tez orada Yevrosiy iqtisodiy ittifoqi bilan hamkorlik bo‘yicha muzokaralarni yakunlashga umid bog‘lamoqda. Bu haqda mamlakat prezidenti Pranab Mukerji bayonot berdi.
“Biz YeII bilan hamkorlik qilishdan manfaatdormiz”, – dedi u Belarus telegraf agentligi bilan bo‘lib o‘tgan suhbat chog‘ida. Joriy hafta Mukerji Belarusga birinchi rasmiy safarini uyushtirishi kutilmoqda.
Prezidentning ma'lumot berishicha, Hindistonning YeII bilan har tomonlama hamkorligi borasidagi muzokaralar yaxshi bormoqda.