Madridning “Real” jamoasi bosh murabbiyi Rafael Benites yarim himoyachi Martin Edegorga keyingi mavsum imkoniyat bermoqchi.
16 yoshli norvegiyalik futbolchi “Real” tarkibida Avstraliya va Xitoy turnesiga boradi. U asosiy jamoa bilan ishlab, o‘rtoqlik uchrashuvlarida ishtirok etish imkoniyatiga ega bo‘ladi.
Ilgariroq Edegor ijaraga berib yuborilishi aytilayotgan edi, ammo Benites bu axborotni inkor qildi.