Rossiya negaki Yevropa energetika xartiyasi ishtirokchisi bo‘lmagani uchun Gaaga sudining vakolatini tan olmaydi. Bu haqda Rossiya prezidenti Vladimir Putin bayonot berdi.
“Bu ishlarga kelsak, pozitsiyamiz aniq: bunday ishlarda Gaaga hakamlik sudi faqatgina Yevropa energetika xartiyasini imzolagan va ratifikatsiya qilgan davlatlarga nisbatan o‘z vakolatlarini qo‘llay oladi”, – uning so‘zlarini keltiradi Interfaks agentligi.
“Rossiya bu xartiyani ratifikatsiya qilmadi, shu bois biz bu sud instansiyasining yurisdiksiyasini tan olmaymiz”, – qo‘shimcha qildi Rossiya yetakchisi.