Internetda “IShID” terrorchilik tashkiloti jangarilari G‘azo sektorini bosib olish va u yerda shariat arkonlarini o‘rnatish bilan tahdid qilayotganlari tasvirlangan rolik joylashtirildi. Jangarilar XAMAS tashkilotini diniy kurashda yetarlicha jonbozlik ko‘rsatmayotganlikda ayblamoqda. Bu haqda The Guardian nashri xabar bermoqda.
“Biz Isroilni yo‘q qilamiz va siz, FATX va dunyoviy davlat tarafdorlari – hech narsa emassiz, siz bizning olomon bilan yo‘q qilinasiz”, deb aytmoqda niqob kiyib olgan jangari XAMASga murojaat qilib. U, shuningdek, Falastinga bundan avvalroq Damasqdagi Yarmuk tumanida yashagan falastinliklar boshiga tushgan ayanchli taqdirni va'da bermoqda.