Buyuk Britaniya fuqarosi selfi tayoqchasiga chaqmoq kelib urilishi oqibatida halok bo‘ldi. Bu haqda The Independent xabar qilgan.
Xabarda aytilishicha, bu voqea 5 iyul kuni Uels janubidagi Brekon-Bikons nomli milliy xiyobon hududida ro‘y bergan.
Guvohlarning hikoya qilishicha, tog‘ yuqorisidagi bir necha kishiga selfi tushishi vaqtida chaqmoq kelib urilgan.
Xabarda yozilishicha, o‘sha kuni xiyobon hududida 2 kishi halok bo‘lgan, ikkinchi qurbonning aynan qanday sabab bilan halok bo‘lgani aniqlanmagan. Chaqmoqqa uchraganlardan yana ikki nafari shifoxonaga olib borilgan.