Kickstarter kraudfanding maydonchasida smartfonlarga mo‘ljallangan siyohsiz mini-printerlar loyihasi paydo bo‘ldi.
Uskuna droPrinter nomini oldi. U rasmlar, fotosuratlar, eslatmalar, cheklar, QR-kodlarni chiqarib berishi mumkin. Buning uchun printer siyoh emas, balki termonashr usulidan va maxsus qog‘ozdan foydalanadi. Bunday usul kassa apparatlarida qo‘llanadi. Uskuna kutish rejimida 120 soat va to‘xtovsiz nashr holatida 7 soat ishlashi mumkin.
Portativ printer smartfonga Bluetooth orqali ulanadi. U iOS va Android operativ dasturlari negizidagi smartfonlarga mo‘ljallangan.