Rossiyaning Novosibirsk shahrida noma'lum shaxs bankomatni portlatib yubordi, ammo portlashdan qo‘rqib, hech narsa olmay qochib ketdi. Bu haqda Interfaks agentligi xabar bermoqda.
Voqea shanba kuni mahalliy vaqt bilan soat 2:00da sodir bo‘lgan. Erkak yirik banklardan birining binosiga kirib, bankomatni portlatgan. Ammo u pullarni olmay qochib ketgan. Huquq-tartibot idoralarining ma'lum qilishicha, u portlash ovozidan qo‘rqib ketgan.
Portlash zarbi yana ikkita bankomatni zararlantirgan, derazalarni va yaqin oradagi uch mashinaning oynalarini urib tushirgan.