23:58 / 02.08.2015
5363

Move Noticias: Ronaldu o‘z agenti Mendeshning to‘yiga grek orolini sovg‘a qildi

Madridning “Real” jamoasi yarim himoyachisi Krishtianu Ronaldu Gretsiyada orol sotib oldi, deb xabar bermoqda Move Noticias sayti.

Sayt ma'lumotlariga ko‘ra, futbolchi bu orolni 2 avgustda uylanayotgan o‘z agenti Jorjye Mendeshga sovg‘a sifatida xarid qilgan.

Jorjye Mendesh va Sandra Mendeshning nikoh marosimi Lissabondagi cherkovlardan birida bo‘lib o‘tdi. To‘yda shuningdek Mendeshning yana ikki mijozi – Pepe va Fabio Koentrau ham ishtirok etdi.

Mirror nashrining ma'lumotlariga ko‘ra, Mendesh ishtirokida o‘tkazilgan transferlarning umumiy qiymati milliard yevrodan oshadi.

Gretsiyada 6 mingga yaqin orol bo‘lib, ulardan 227 tasi egallangan. Ronaldu xarid qilgan orol Gretsiya sohillarini yuvib turuvchi dengizlardan qaysi birida joylashgani ma'lum qilinmadi.

Top