AQSh maxsus xizmatlari London universitet kolleji olimlarining ishlanmalari yordamida Wi-Fi modulini takomillashtirib, insonning qo‘shni xonadagi xatti-harakatlarini kuzatish imkoniyatiga ega bo‘lishdi. Bu haqda IEEE Spectrum xabar bermoqda.
Maxsus qabul qilgichlar bilan jihozlangan buyumlarning harakatini nurlanish chastotasining dopler siljishlari orqali kuzatish mumkin. Bu Wi-Fi va mobil signallarda aks etadi.
Yangi texnologiya 25 sm li beton devorning narigi tomondagi obektni kuzatish imkoniyatini beradi.
Olimlarning bu ishlanmasi maxsus xizmatlarni qiziqtirib qo‘ydi. Bu texnologiya bino ichidagi terrorchilarning xatti-harakatlarini kuzatish va maxsus operatsiyalar samaradorligini oshirishda qo‘l kelishi aytilmoqda.
Ishlanma 3-9 avgust kunlari Texas shtatining Ostin shahrida bo‘lib o‘tgan marosimda Engineering Impact Award mukofoti bilan taqdirlandi.
