Navoiy viloyati Karmana tumani IIBga "Toshvilavtopark" MChJ haydovchisi ariza bilan murojaat qilib, noma'lum shaxs Talqoq mahallasida joylashgan "Mo‘'jiza" choyxonasi oldida qarovsiz qoldirilgan "Mersedes-Bents" rusumli avtobusidan ko‘p miqdordagi pullarini o‘g‘irlab ketganini ma'lum qilgan.
Ichki ishlar xodimlari tomonidan jabrlanuvchi va guvohlar bilan tezkor-surishtiruv ishlari olib borildi.
Amalga oshirilgan tadbirlar natijasida mazkur o‘g‘irlikni shu avtobus yukchisi bo‘lib ishlagan 29 yoshli fuqaro avtobus eshigi qulfini ochib kirish yo‘li bilan sodir etganligi aniqlandi va u qo‘lga olindi.
Mazkur holat bo‘yicha jinoyat ishi qo‘zg‘atilib, tergov harakatlari olib borilmoqda.