Egey dengizida Gretsiyaning Farmakonisi oroli yaqinida qochqinlar ketayotgan qayiqning falokatga uchrashi oqibatida kamida 34 kishi halok bo‘ldi, deb xabar bermoqda Arab News nashri.
Dastlabki ma'lumotlarga ko‘ra, qayiq yomon ob-havo sharoiti va bortida haddan ziyod ko‘p odam bo‘lgani tufayli to‘ntarilib ketgan. Hanuzgacha qayiqda qancha odam bo‘lgani haqida aniq ma'lumotlar yo‘q, shuning uchun qutqaruv-qidiruv operatsiyasi davom etmoqda.
Hozirda qutqaruvchilar 34 kishi, jumladan 15 nafar bola, xususan 4 nafar go‘dakning jasadlarini topganlar.
68 kishining hayoti saqlab qolingan, yana 29 kishi o‘zi mustaqil ravishda qirg‘oqqa chiqib olishga muvaffaq bo‘lgan.