Bahrayndan Saudiya Arabistoniga qaytayotgan fuqaro mamlakat bojxona xizmatlari tomonidan qo‘lga olindi. Aytilishicha, u chegaradan 12 shisha likyor yashirib o‘tmoqchi bo‘lgan.
Mahalliy matbuotda xabar qilinishicha, erkak kiyimining ichiga shishalarni yashirib o‘tmoqchi bo‘lgan. Bojxona xizmati rahbari Zayfulloh al-Utaybiyning aytishicha, tekshiruv jarayonida uning yonidan 12 shisha ichkilik topilgan va buning natijasida erkak hibsga olingan.