Iste'foga ketgan Volkswagen avtokonserni rahbari Martin Vinterkornning o‘rnini Porsche rahbari Mattias Myuller yoki hozirda Volkswagen’ning yengil avtomobillar bo‘limiga rahbarlik qiluvchi, BMW’ning sobiq top-menejyeri Gerbert Diss kelishi mumkin, deb xabar bermoqda Bloomberg axborot agentligi.
Agentlikning ma'lumotlariga ko‘ra, Myullerning nomzodini Volkswagen’ning 51 foiz aksiyasiga egalik qiluvchi Porshe oilasi qo‘llab-quvvatlamoqda.
Vinterkorn kompaniyaning dizel avtomobillari bilan bog‘liq mojaro tufayli iste'foga ketishga qaror qilgan edi.