Bag‘dodga Rossiya, Iroq, Suriya va Eron bilan birgalikda “IShID” terrorchilik guruhiga qarshi kurashish uchun yaratilgan axborot markazida ishlash uchun 6 nafar rossiyalik harbiy yetib keldi. Bu haqda Iroq parlamenti xavfsizlik va mudofaa qo‘mitasi boshlig‘i Hakim az-Zamliyga iqtibos keltirgan holda RIA “Novosti” axborot agentligi xabar bermoqda.
“Bag‘dodga 6 nafar rossiyalik mutaxassis yetib keldi. Ular yig‘ilish o‘tkazdilar, yig‘ilishlar hozir ham davom etmoqda. Axborot almashinmoqda, biz bu koalitsiyaga kiruvchi davlatlar manfaatiga mos keluvchi natijalarga erishilishiga umid bildiramiz”, deb aytdi Az-Zamliy.
Shuningdek, Bag‘dodga 6 nafar eronlik harbiy ham kelgan, Suriyadan ham 6 nafar mutaxassis kelishi kutilmoqda.
Avvalroq Iroq, Suriya, Eron va Rossiya o‘rtasida razvedka ma'lumotlari bilan almashishga ixtisoslashgan Bog‘doddagi axborot markazi o‘z ishini oktabr-noyabr oylaridan boshlashi ma'lum qilingandi.