Butun dunyo bo‘yicha sotuvga chiqarilganiga sal kam bir hafta to‘lgach, O‘zbekistonda ham Apple iPhone 6S smartfonlari sotila boshlandi. Yangi apparat dizayni o‘tgan yilgi iPhone 6dan deyarli farq qilmaydi, faqat rang-tusi biroz farqlanadi (Rose gold rangi yangilik bo‘ldi).
Eslatib o‘tamiz, 6S seriyasida Apple A9 protsessorini qo‘llar edi. Ishlab chiqaruvchining ma'lumotlariga qaraganda, u birinchi iPhone’ning protsessoriga nisbatan 70 foizga samaradorroqdir.
iPhone 6S’ning yana bir o‘ziga xos jihati kamera bo‘ldi; uning yechimi 12 megapikselgacha ko‘tarildi. Kamera 4K yechimidagi videoni suratga olish imkonini beradi. Frontal kamera 5 megapiksel va sensorga ega.
Apple iPhone 6S apparatiga 3D Touch texnologiyasini kiritdi. U bosish kuchini farqlab, shunga yarasha buyruqlarni bajarishga mo‘ljallangan. Yangilik iOS 9 operativ dasturida ishlaydi.
iPhone 6S smartfonining 16 Gb xotirali qora rangli versiyasi Toshkentdagi “Malika” bozorida 4.1-4.2 mln so‘mni tashkil qilmoqda. 64 va 128 Gb xotirali versiyalar hozircha sotuvga chiqarilgani yo‘q. Bundan tashqari, iPhone 6S Plus modeli ham sotuvga chiqarilmadi.