Xovrenko nomli “Samarqand vino kombinati” AJning davlat aksiyalari paketi (20.18 foiz) 2.6 mln dollarga baholandi. Har bir aksiya narxi 8.5 dollarni tashkil qildi.
Paket “Toshkent” Respublika fond birjasida sotuvga qo‘yildi. U 22 oktabrgacha xorijiy investorga realizatsiya qilinishi ko‘zda tutilgan.
Qimmatbaho qog‘ozlar koordinatsiyasi va rivojlanishi markazining xabariga ko‘ra, Xovrenko nomli “Samarqand vino kombinati” AJ “O‘zvinsanoatxolding” kompaniyasi tarkibiga kiradi.