Italiya, Buyuk Britaniya va Irlandiya kemalari Liviya qirg‘oqlari yaqinida 1,8 mingdan ortiq muhojirni cho‘kib ketishdan saqlab qoldi. Bu haqda Italiya sohilbo‘yi xizmatiga asoslangan holda Agence France-Presse xabar bergan.
Ma'lum qilinishicha, 6ta qutqaruv amaliyoti orqali jami 1830 kishi qirg‘oqqa olib chiqilgan.
Qayd etilishicha, 7 oktabr kunidan boshlab O‘rta Yer dengizi hududida Yevropa Ittifoqiga tegishli kemalar harakatlana boshlaydi. Bu kemalar hudud orqali kema va qayiqlarda muhojirlarni noqonuniy ravishda Yevropa hududiga olib o‘tadigan jinoyatchilarga qarshi kurashadi.