Qozog‘istonning Uralsk shahrida istiqomat qiluvchi 13 yoshli Nikita Tyukin “Yil fidoyisi” unvoniga ega bo‘ldi. Bu haqda Nur.kz sayti xabar bermoqda.
Taqdirlash marosimi 8 oktabr kuni Ostonada bo‘lib o‘tdi.Tyukin cho‘kayotgan ikkita qizni suvdan qutqarib olgan edi. Shu qahramonligi uchun u mazkur unvonga sazovor bo‘ldi.
Bola jurnalistlarga bergan intervyusida bu mukofotni olganidan iftixorda ekanligini hamda kelajakda bunday voqeaga yana bir bora duch kelsa, albatta qahramonligini takrorlashini aytib o‘tdi.