Qirg‘izistonda Bishkekka yaqin hududda joylashgan qamoqxonadan dushanbaga o‘tar kechasi diniy ekstremizm va terrorizmda ayblangan 9 nafar jinoyatchi qochib ketgani xabar qilingandi.
Ular qochish vaqtida 3 nafar huquq tartibot organi xodimini o‘ldirgan.
Qirg‘izistondagi OAVlarda yozilishicha, jinoyatchilarning 5 nafari qo‘lga tushirilgan. Yana 4 nafar jinoyatchiga nisbatan qidiruv e'lon qilingan.
Ma'lumot uchun, 50-sonli qamoqxona Bishkekdan bir necha kilometr uzoqlikda Chuy viloyati Janubiy Nooruz qishlog‘ida joylashgan.
Qidiruvga berilgan 4 nafar jinoyatchidan 2 nafari umrbod qamoq jazosiga hukm etilgan va yana 2 nafari ustidan tergov jarayoni borayotgan bo‘lgan.
2 nafar terrorchi “Jayshul-Mahdi” terrorchi guruhining faol a'zolari - Edil Abdurahmonov (1986) va Azamat Musuraliyev (1987) hisoblanadi.