O‘zbekiston Respublikasi Prezidenti Islom Karimov 2015 yil 15-16 oktabr kunlari Mustaqil Davlatlar Hamdo‘stligi Davlat rahbarlari kengashining Qozog‘iston Respublikasida bo‘ladigan majlisida ishtirok etadi. Bu haqda UzA xabar bergan.
Davlat rahbarlarining navbatdagi uchrashuvida MDH doirasidagi hamkorlikni yanada rivojlantirish masalalarini muhokama qilish, xalqaro va mintaqaviy miqyosdagi dolzarb muammolar yuzasidan fikr almashish rejalashtirilgan.