Misrda falokatga duchor bo‘lgan Rossiyaning "Kogalimavia" aviakompaniyasiga tegishli A320 samolyoti o‘zining birinchi parvozini bundan 18,5 yil muqaddam amalga oshirgan. Bu haqda Airfleets.net internet-portali ma'lumotlari guvohlik bermoqda.
Portal ma'lumotlariga ko‘ra, laynerning ilk parvozi 1997 yilning 9 mayida qayd etilgan. "Kogalimavia" aviakompaniyasiga qadar u 663 bort raqami bilan Livanning MEA, Turkiyaning Onur Air va Saudiyaning Saudi Arabian Airlines aviakompaniyalariga xizmat ko‘rsatgan.
Samolyot "Kogalimavia" parkiga EI-ETJ qayd raqami ostida 2012 yilning aprelida kelib qo‘shilgan.
Eslatib o‘tamiz, bugun, 31 oktabr kuni Misr vaqti bilan 6:51 da (Toshkent vaqti bilan 9:51) Rossiyaning "Kogalimavia" aviakompaniyasiga tegishli Sharm ash-Shayx — Sankt-Peterburg yo‘nalishi bo‘yicha 9268 reysini amalga oshirayotgan Airbus-321 layneri parvozga ko‘tarilgandan 23 daqiqa o‘tib radarlar ekranidan yo‘qoldi. Mazkur samolyot bortida 217 nafar yo‘lovchi va yetti nafar ekipaj a'zosi bo‘lgan.