Qozog‘iston prezidenti Nursulton Nazarboyev milliy bank rahbari Qayrat Kelimbetovni iste'foga chiqardi. Bu haqda uning senatga yo‘llangan murojaatida aytildi.
“Hozir bankka va milliy valyutaga – tangaga bo‘lgan ishonch tushib ketdi, bunga esa yo‘l qo‘ymaslik kerak. Mamlakatda tanga likvidligi defitsiti sezilmoqda, iqtisodiyotni kreditlash hajmi qisqarmoqda. Bu yomon ko‘rsatkichlar, ularni tuzatish ustida ishlash lozim”, - deyiladi murojaatda.
Kelimbetovning o‘rnini egallashga nomzod sifatida Nazarboyev 2007-2014 yillarda milliy bank raisi bo‘lgan Doniyor Akishevni taklif qildi.