1 noyabrdan boshlab O‘zbekistonning investitsion salohiyatiga bag‘ishlangan rolik Bloomberg TV orqali translyatsiya qilinmoqda. U kuniga 3 marta efirga chiqadi.
Translyatsiya 15 noyabrga qadar davom etadi.
Reklama roligi Davlat raqobat qo‘mitasi yordamida 5-6 noyabr kunlari Toshkentda o‘tadigan Xalqaro investitsion forumga tayyorgarlik doirasida tayyorlandi. Unda yirik xalqaro moliyaviy institutlar, shuningdek, Janubiy Koreya, Yaponiya, Germaniya, AQSh, XXR, Buyuk Britaniya, Shveytsariya, Singapur va boshqa davlatlar yetakchi kompaniyalari vakillari ishtirok etadi.