13 noyabr kuni Shimoliy Koreyada 95 yoshida vafot etgan marshal Li Il Solni dafn etish marosimi o‘tkazildi. Unda mamlakat rahbari Kim Chen In, harbiy qo‘mondonlar, partiya va davlat amaldorlari qatnashdi.
7 noyabr kuni saraton xastaligi tufayli vafot etgan marshalning tobuti Pxenyandagi qahramon inqilobchilar dafn qilinadigan Tesonsan qabristoniga olib kelingan.
Dafn marosimida vitse-marshal Xvan Ben So nutq irod qilgan.
Afsonaviy marshalni so‘nggi yo‘lga kuzatish uchun o‘n minglab kishilar ko‘chalarga chiqishgan.