Qirg‘izistonning O‘sh viloyati chegara zonasida harbiy xizmatchilar tomonidan noqonuniy fotos'yomka olib borgan Yaponiya fuqarosi qo‘lga olindi.
Chegara xizmati matbuot bo‘limining ma'lum qilishicha, u chegarani noqonuniy kesib o‘tishda ham ayblanmoqda. 1981 yili tug‘ilgan shaxs Cho‘n-Oloy tumani Qoratayit qishlog‘i hududida qo‘lga olingan bo‘lib, u Qozog‘istondan turistik maqsadlarda Qirg‘izistonga kelganini ma'lum qilmoqda.
Tegishli hujjatlar rasmiylashtirilgach, u milliy xavfsizlik qo‘mitasi hududiy bo‘linmasi ixtiyoriga topshirildi.