"Real" jamoasining portugaliyalik hujumchisi Krishtianu Ronalduning o‘yinidagi pasayishga uning tizzasidagi jarohat sabab bo‘lgan.
Marca nashri xabariga ko‘ra, u 3 oydan beri tizzasidagi jarohati tuzalmagan holda o‘ynab kelmoqda.
Ma'lum qilinishicha, joriy mavsum avvalida Ronalduning to‘la tuzalmagan tizzasida og‘riq boshlangan. Ammo u davolanmasdan, tiklanish mashqlari orqali tayyorgarlik olib borishni ma'qul ko‘rgan.
Shu tufayli u mavsumni bir tekis o‘tkaza olmagan.
O‘tgan mavsum to‘purari bo‘lgan Ronaldu joriy mavsumda 8ta uchrashuvning golsiz tark etdi.
Oxirgi haftada u o‘zini yaxshi his qila boshlagan.
Buning isboti sifatida shuni aytish mumkinki, joriy hafta boshida Ronaldu YeChL doirasida "Malmyo"ga qarshi o‘yinda to‘rtta gol urdi va bitta golli uzatma amalga oshirdi.