“Litva temir yo‘llari” davlat kompaniyasi Vilnyus-Moskva-Vilnyus yo‘lovchi qatnovini to‘xtatdi, deb xabar bermoqda TASS.
“Ushbu yo‘nalishdagi to‘g‘ridan-to‘g‘ri yo‘lovchi qatnovi yo‘lovchilar oqimining kamayib ketishi munosabati bilan to‘xtatildi”, — deyiladi ma'lumotda.
Ma'lum qilinishicha, bu Litva tomonidan Rossiya yo‘nalishida yopilgan ikkinchi yo‘lovchi qatnovidir. Birinchisida ham yo‘lovchilar oqimining tushib ketishini sabab qilib ko‘rsatishgan edi.
Joriy yilning 1 iyunida Vilnyus va Sankt-Peterburg o‘rtasidagi qatnov to‘xtatilgan edi.