Angliya terma jamoasining sobiq futbolchisi, ayni vaqtda futbol eksperti sifatida faoliyat ko‘rsatayotgan Gari Lineker "Lester" jamoasining Angliya premer-ligasida chempion bo‘lishi imkoniyatlariga ishonchsizlik bilan qarashda davom etmoqda.
"Ha! Agar "Lester" Angliya chempioni bo‘lsa, men MOTD (Match of the day - VVS teledasturi - tahririyat izohi) ko‘rsatuviyaning keyingi mavsumidagi ilk sonida (2016 yilning kuzida - tahririyat izohi) ichki kiyimda chiqaman", deya yozadi Lineker.
YES! If Leicester win the @premierleague I'll do the first MOTD of next season in just my undies.
— Gary Lineker (@GaryLineker) 14 dekabrya 2015
Qayd etish kerakki, "Lester" 14 dekabr kuni "Chelsi"ni mag‘lub etib, ochkolari sonini 35taga yetkazgan holda turnir jadvalining birinchi o‘riniga chiqib oldi. Jamoa ikkinchi o‘rindagi "Arsenal"ni 2 ochkolik farq bilan ortda qoldirmoqda. Klaudio Raneri shogirdlari mavsumda atigi bir marta mag‘lub bo‘lishdi - "Arsenal"dan 2:5 hisobida.