Italiyaning «Inter» klubi yarim himoyachisi Felipe Melo uchta uchrashuvga diskvalifikatsiya qilindi. Bu haqda Football Italia nashri xabar tarqatmoqda.
Bunday jazoga futbolchi Italiya A seriyasining 17-turidan o‘rin olgan «Latsio»ga qarshi uchrashuvda raqib futbolchisi Lukas Bigliyaning bo‘yniga oyog‘i bilan zarba bergani uchun tortilgan.
Shuningdek «Roma» hujumchisi Edin Jyeko «Jyenoa»ga qarshi uchrashuvda (2:0) olgan qizil kartochkasi tufayli Italiya chempionatining ikkita uchrashuvini o‘tkazib yuboradi.