Xitoy oilalariga ikki farzand ko‘rishga ijozat berilgani to‘g‘risidagi qonun loyihasi Xitoy xalq vakillari qo‘mitasi vakillari tomonidan tasdiqlangan. Bu haqda "Sinxua" agentligi xabar tarqatdi.
"Davlat xitoyliklar oilalariga 2 farzandga ega bo‘lish uchun ruxsat beradi", deyiladi xabarda.
Xabarda aniqlik kiritilishicha, bu qonun 2016 yilning 1 yanvaridan boshlab kuchga kiradi.
Bundan oldinroq, xitoylik juftliklar ikkinchi farzandni o‘stirishning iqtisodiy zaruratlarini hisobga olgan holda, buni istashmayotgani haqida xabar qilingandi.