Iqtisodiy tadqiqotlar markazi 2016 yil fevral oyi uchun O‘zbekiston ish faoliyati darajasi o‘lchovlari natijalarini ma'lum qildi.
Hisobot ma'lumotlariga ko‘ra, 2016 yilning fevralida biznesning yaxshigina jonlanishi qayd etilgan. Ish faoliyati indeksi fevral oyida 1122 punktdan iborat bo‘ldi (1000 dan oshiq ko‘rsatkich faollikning o‘sishini, 1000 dan past ko‘rsatkich esa pasayishni bildiradi), ya'ni tadbirkorlik faoliyati o‘sish sur'ati 2016 yil yanvar oyiga nisbatan 12,2 foizga ko‘tarilgan.
Ish faoliyati o‘lchovi boshlangan davr (2015 yil yanvar)ga nisbatan 2016 yil fevralda IFO‘ 1170 ta punktga yetdi (ish faoliyati 2015 yil yanvarga nisbatan 17 foizga baland).