O‘zbekiston aloqa operatori Beeline O‘zbekistondagi VimpelCom Ltd guruhining Make Your Mark (“O‘z izingni qoldir”) global ijtimoiy tashabbusi doirasida “Uchinchi avlod-2016” tashqi ta'lim dasturi boshlangani haqida xabar beradi.
Bir yil avval “Uchinchi avlod” Make Your Mark loyihasining ilk dasturi sifatida tanlangan edi. 2016 yilda dasturning VIII mavsumida Beeline‘ning tijorat direksiyasi, texnik direksiyasi, axborot texnologiyalari direksiyasi, shuningdek shartnomalar tuzish va logistika xizmati bo‘limida amaliyot o‘tash ochilgan. So‘rov va rezyumelar yaxshi akademik natijalarga ega bo‘lgan III va IV kurs talabalaridan graduate@beeline.uz elektron manzili bo‘yicha qabul qilinadi.
Voqeani sharhlar ekan, Unitel‘ning jamoa bilan ishlash va tashkiliy rivojlantirish bo‘yicha direktori Sofiya Gaynutdinova shunday dedi: ““Uchinchi avlod” dasturi ilk bor yetti yil avval ishga tushirilgan bo‘lib, bugungi kunga qadar o‘z formati bilan O‘zbekistonda noyob hisoblanadi – kompaniyamiz maqsadli va muvaffaqiyatli talabalar uchun ochiq, bunda telekom-sohaning eng yirik operatori hodimiga aylanish imkoni barchada mavjud. Yangi mavsum bu yili yanada qiziqarli bo‘lishini alohida belgilab o‘tmoqchiman: Beeline didjital-transformatsiya bosqichiga o‘tmoqda, shuning uchun amaliyotchilarni nafaqat mazmunli o‘quv dasturi, amaliy mashqlar va haqiqiy loyihalar, balki global VimpelCom va mamlakatning yetakchi ekspertlari bilan uchrashuvlar kutmoqda”.
Matbuot-anjumanidan so‘ng yaqin kunlarda bir necha oliy o‘quv yurtlarida Beeline mutaxassislari “Uchinchi avlod-2016” bo‘yicha qator taqdimotlar o‘tkazadilar. Dasturning saralash bosqichlariga Toshkent axborot texnologiyalari universiteti, Toshkentdagi Vestminster universiteti, Toshkentdagi Moskva davlat universiteti, Toshkent davlat milliy universiteti, shuningdek boshqa oliy o‘quv yurtlari talabalari taklif etildi.
Amaliyot natijalari bo‘yicha eng muvaffaqiyatli talabalarga oliygohdagi o‘qish bilan kelishtirilgan holda individual ish tartibi, kelajakda esa – Beeline‘da doimiy ish o‘rni taklif qilinadi. "Uchinchi avlod" doirasida amaliyot o‘tash 2016 yilning iyun-avgust oylariga rejalashtirilgan.
Make Your Mark tashabbusi 2014 yilning dekabr oyida joriy etilgan bo‘lib, VimpelCom‘ning korporativ ijtimoiy majburiyatlari strategiyasining asosiy elementi hisoblanadi. Uning maqsadi - yoshlarga kelajaklarini barpo etishda yordam berish, ularga texnologik asbob-uskunalar, tajriba va bilim, ta'limni kengaytirish, porloq kelajaklari yo‘lidagi to‘siqlarni o‘tishda yordam berish.
Batafsil ma'lumot www.beeline.uz va www.vimpelcom.com saytida.