30 mart kunining birinchi qismida, Rossiyaning Primore o‘lkasi, Chernigov tumani hududidagi Chernigovka aerodromida shturmchi Su-25 samolyoti halokatga uchradi.
TASS agentligi xabariga ko‘ra, uchuvchi katapulta qilingan.
"Dastlabki ma'lumotlarga ko‘ra, u jarohatlanmagan", deydi manba.
Qayd etilishicha, samolyotning qulashi motordagi nosozlik tufayli ro‘y bergan bo‘lishi mumkin.
Xabarda samolyot qulashi yerdagilarga ziyon yetkazgan-yetkazmagani haqida aytilmagan.