Somali poytaxti Mogadishoda noma'lum shaxs mikroavtobusni o‘qqa tutishi oqibatida 6 kishi, jumladan ikki nafar Turkiya fuqarosi va 4 nafar somaliylik halok bo‘ldi, deb xabar bermoqda Reuters axborot agentligi.
Politsiyada ma'lum qilinishicha, avtomobilda Turkiya ko‘magida faoliyat yurituvchi shifoxona xodimlari bo‘lgan. Hujum vaqtida shuningdek 5 nafar turk va bir nafar keniyalik yaralangan.
Hujum uchun javobgarlikni hozircha hech qaysi guruh o‘z bo‘yniga olmadi, biroq ushbu hududda "Al-Shabob" jangarilari harakat qiladi.
Avvalroq AQShning uchuvchisiz parvoz qurilmasi "Ash-Shabob"ning Somalidagi qarorgohida 150 dan ko‘proq jangarini yo‘q qilgandi.