Telegram'ning ba'zi kanallarida iOS operatsion tizimli qurilmalar foydalanuvchilariga cheklovlar qo‘yildi.
Kim yangi film va seriallar qo‘yuvchi Kinofilm kanaliga kirmoqchi bo‘lsa, unga ogohlantirish beriladi: "Kechirasiz, mualliflik huquqi buzilgani munosabati bilan bu kanalga kira olmaysiz".
Xuddi shu holat kinoxa kanaliga kirishda yoki vkmusic_bot va MusicCatalogBot botlariga qo‘shilishda ham kuzatiladi. Android operatsion tizimli qurilmalarga bu kanallarga kirishda hech qanday cheklovlar yo‘q.
Telegram'ning desktop versiyasida ham barchasi joyida.
vkmusic_bot 2015 yilning dekabridayoq blokka tushgan. Kanal asoschisi Ilya Samartsevning izoh berishicha, Telegram'da unga gap Apple'ning siyosatida ekanini aytishgan.
TJournal messenjer xizmatining javobini keltiradi: "Ularda mualliflik huquqi bilan himoya qilingan ommaviy kontentga nisbatan qoidalar qat'iy. Mualliflik huquqi egalarining arizalari bizga yuboriladi, shuning uchun bizda ularga bo‘ysunib, botingizni bloklashdan o‘zga choramiz yo‘q".